وسواس النجاسة: وسواس انتقال البول م11

وسواس النجاسة: وسواس انتقال البول م10
النجاسة

هل يجوز لي آخذ بسنية إزالة النجاسة حتى لو كنت أستخدم شيء حرام يعني مثلا أستخدم السماعات وأسمع فيها أغاني والسماعات بها نجاسة أنا أحاول أتوب من هذا الذنب لكن للأسف عجزت وكنت أستخدمها وأقول إزالة النجاسة سنة بس بعدين استوعبت فهل يجوز؟

أتمنى الإجابة من الأستاذه رفيف لأني والله ما أرتاح إلا إذا صرت آخذ الإجابة من أحد يفهم بالدين
وإذا ما ردت الأستاذة فأتمنى من الذي يرد أن يكون متأكدا لأني أوسوس من هذي الناحية وشكرًا لكم
19/9/2024

واستطردت بنفس اليوم تقول:
الإفرازات

بعد الاستنجاء تنزل أحيانًا إفرازات ومهما جلست عشان توقف ما توقف إلا بعد 40 دقيقة وأكثر تعبت جسديًا ونفسيًا
قررت أتجاهل نزولها وأصب ماء وأطلع وهي باقي تنزل والحين خائفة وندمانة أن الذي سويته غلط عادي؟
19/9/2024

ثم استدركت تقول:
الإفرازات

معليش أنا ما ذكرت بالسؤال الذي قبل أن الذي خوفني أن البول يمر عليها وبكذا هي تتنجس بس إيش أسوي أنا تعبت هل علي إثم؟ أو أنها تطهر إذا صببت ماء عليها؟
لأن أنا متأكدة إن حتى بعد ما نزل البول هي موجودة يعني متأكدة إن البول لمسها
19/9/2024

وأضافت بعد أسبوع تقول:
سنية ازالة النجاسة

السلام عليكم، أتمنى إذا تقدرون تحطون استشارتي هذي مع استشاراتي اللي قبل إذا كنتم تشوفونها الحين لأني محتاجة إجابة سريعة لأني بصراحة تعبت نفسيًا وجسديًا من كثر ما أجلس في دورة المياه والحين جاي الشتاء وبرد قوي علي لأني غالبًا أنزل كل ملابسيإاذا جيت أستنجي أخاف تجيها نجاسة والذي يخليني أطول بدورة المياه أبغى أشوف المنديل يصير طاهر

وأجلس بدورة المياه أحيانًا 40 دقيقة أحيانا 20 أحيانا 6 دقائق يعني على حسب فسوالي عادي أستنجي وأطلع على طول؟ وآخذ بحكم سنية إزالة النجاسة يعني ما أشوف المنديل ولا الشيء الذي يخليني أتردد إني أسوي الطريقة هذي إن أحيانًا المنديل يطلع فيه نقطة بول أحيانًا دم من الالتهابات أحيانًا إفراز يعني مو دائما طاهر فأخاف إني أسوي كذا وأتحاسب عليه بس والله إني تعبت أبغى أصير طبيعية زيي زي غيري لأني تضررت حتى جسديًا لأني ما أشرب ماء وفوقها أحبس البول لأني أشيل هم التعب اللي راح يصير بالحمام فعادي آخذ حكم سنية إزالة النجاسة بحيث أني بس أصب ماء بسرعة على المكان وأطلع وأي شيء ينزل أو يصير ما أهتم له حتى لو نزل حقيقي؟ يعني من الأخير أصلي بنجاسة؟

هذا غير إني بباقي اليوم كل شوي أغسل لأني قبل نشرت النجاسة بالبيت للأسف كنت آخذ مناديل فيها نجاسة وتنقط بالأرض وأهلي يمشون عليها ورجولهم مبللة ماء ويدخلون بالغرفة التي أصلي فيها ويمشون على المكان الذي أصلي فيه فتعبت كل شوي أغسل رجولي ويديني عادي أتجاهل وأقول بصلي بالنجاسة؟ النجاسة حقيقة 100٪ ، هذا غير إن فيه أشياء ما ذكرتها هنا لكن كنت أشوف بالبيت أشياء فيه نجاسة واضحة يعني أحيانًا كنت آخذ معي من المناديل تصير رطبة ومليانة نجاسة وبصراحة قبل كنت ما أهتم مرة يعني ألمس أماكن وأصير عارفة الأماكن هذي فما ألمسها ما كنت مستوعبة أن المفروض أغسلها عشان أهلي ما يلمسونها وينشرون النجاسه في الأماكن هذي بغض النظر تنجست من مناديل أو من أشياء ثانية المهم أنها نجسة 100٪ ما أشك يعني متيقنة لأني عارفة النجاسات كيف تنتقل إذا كانت رطبة أو جافة إلخ..

فيلمسونها أهلي ويديهم مبللة ويلمسون أشياء ثانية بالبيت يعني انتشرت النجاسة (أعرف لو كانت يديهم جافة والشيء الثاني جاف ما تنتقل) فأنا أتكلم عن اللي لمسوها ويديهم مبللة،، مثلا بالمطبخ يغسلون يديهم وتصير تنقط ماء يعني مبللة ثم يلمسون هذا الشيء النجس وعلى ها الحالة تعبت نفسيًا قبل كنت أتحرز وأغسل بس الحين طالت علي كل شيء صار نجس

حتى لو ألمس منهم شيء أروح أغسل على طول لدرجة أني إذا شفت أحد من أهلي يسلم على أحد من أقاربي بعد ما أسلم أغسل يدي لأن اختي لمستهم وأنا أي شيء يلمسونه أهلي أغسل لأني أخاف النجاسة تنتقل لي

رحت لدكتور نفسي بس ما استفدت لأني أحتاج فتوى بالدين أبي أحد يعلمني إذا يجوز الأخذ بسنية الإزالة للنجاسه أو لا، ويفضل لو تجاوب علي الأستاذه رفيف
مع احترامي لكم جميعاً وأشكركم على جهودكم وتعبكم لكن أنا أحتاج أحد يفهم بالدين
26/9/2024