مرعوب من الزواج ما العمل؟

مساء الخير

أنا سني 27 سنة والحمد لله أعمل مع شركة خارج مصر والحمد لله دخلي كويس لكن أنا مرعوب من فكرة إني أتحمل المسؤولية وده بيخليني أحجم عن أي خطوات في أي علاقة خوفا من تحمل المسؤولية ولذا تضيع مني فرص كثيرة لبنات مناسبة لكن خوفي بيكون عائق إني آخذ خطوات والمرة التي أحببت فيها خفت أعترف لنفس السبب خائف أعجز أن أوفر لها حياة كويسة ومريحة.

لا أدري هل يمكن أن يكون هذا راجعا لطفولتي وإني طالع من مكان تحت المتوسط بشوية تقرييبا شبه مافيهوش أي رفاهية هو مجرد أكل وشرب ولبس على فترات بعيدة، بموت نفسي في الشغل وأشتغل في أكثر من مكان علشان أقدر أعيش حياة أفضل شوية من التي كنت عايشها والحمد لله قدرت أعمل وأحقق ذلك لكن ما زلت مرعوب من تحمل المسؤولية وتحصل أي حاجة ترجعني لنفس المكان وما أقدرش أوفر لها غير أساسيات الحياة وأقل كمان،

حقيقي مش عارف أعمل إيه
ومش عارف هفضل خايف ومرعوب كدا لحد إمتى؟
21/07/2025