|
| 
|
وسواس الصيام: أحسن الشيخ الهمام! م4
وسواوس قهري
النهارده جاني تفكير أو سؤال في نفسي أو في دماغي والسؤال ده هل النية تتغير يعني لو في بداية الصيام يعني قبل آذان الفجر كنت ناوي أصوم لله ومن غير رياء وده لحد لما أذن الفجر ولكن في نص الصيام مرضيتش أفطر علشان محدش يقول عني فاطر ومرضيتش أروح محل علشان صاحب المحل ميشكش في أو علشان ما يقولش إني فاطر هل كدا دا رياء وصيامي باطل ومش مقبول وهل ده ليه علاقة بصحة الصيام يعني هل ده ليه علاقة بالوسواوس اللي عندي في صحة الصيام ولا لأ ممكن يكون فعلا حقيقي ولو كان في ماية أو لعابي أو لعاب شخص تاني أو عرق أو رطوبة على شفايفي وأنا وبتف لساني من تحت لمس شفايفي ولمس الحاجات دي وبعدها جمعت ريقي في بقي والحاجات دي اللي لمست تحت لساني اختلطت بريقي وبلعت ريقي هل كدا صيامي باطل
ولو في رمضان الماضي في أول أو ثاني أو ثالث مش فاكر اليوم بالتحديد ولكن أتذكر أني كنت صاحي من النوم ولقيت في رطوبة من العرق على شفايفي ودخلتها جوا بقي وبلعتها عمدا بصراحة مش فاكر إذا كنت عارف إن ده مبطل للصيام ولا لأ بس أنا فاكر إني لما لقيت الرطوبة دي على شفايفي كنت شاكك إذا بلعها مفطر ولا لأ بس قعدت أقنع نفسي وأقول في نفسي إن ده عرق ومليهوش قيمة غذائية ومش هيفيد جسمي وقلت في نفسي إن أظن مش مبطل للصيام ومش محتاج أسأل شيخ مش فاكر قلت كدا من غير سبب ولا لأن معنديش نت أبحث على جوجل وأنا وقتها على ما أظن أو على ما أفتكر أني كنت فاكر أو معتقد أن الحاجة دي لازم تدي قيمة غذائية لجسمي علشان أبقى كسرت الصيام وفطرت مكنتش أعرف إن أي حاجة توصل للجوف تفطر حتى لو مليهاش قيمة غذائية والعبرة أو الفكرة في وصول الحاجة للجوف مش في القيمة الغذائية أو تفيد الجسم أو لا أنا قلت في نفسي إني هبلعها وخلاص وهاخد الريسك بعدها نبقى نشوف إذا هي مبطلة للصيام أو لا
بعدها سألت شيخ في الأزهر قلتله هل لو صحيت من النوم لقيت رطوبة على شفايفي ودخلتها جوا بقي وبلعتها هل كدا أكون فطرت ومقلتلهوش كل التفاصيل اللي قلتها هنا قلتله كدا بس حتى مقلتلهوش إن الرطوبة دي من عرق لأن كنت خايف يقولي إنت فطرت لأنه دايما كل لما أسأله على حاجة يقولي باطل وحاسة صارم المهم إنه رد علي وقالي مش باطل لحد من يومين لقيت فتوى للأزهر أن لو واحد جاء العرق أو الدموع على شفايفه وبلعه عمدا عالما وهو عارف أن ده مبطل للصيام يبقى صيامه باطل هل كدا أكون فطرت مع العلم أني بلعتها عمدا ومع العلم أن وقتها مكانش عندي وسواوس في صحة الصيام أو مكانش بدأ عندي أو ممكن كانت دي بدايته معرفش ولدي سؤال آخر أنا في رمضان اللي فات وأنا صايم جاء رذاذ ريق صاحبي على شفايفي وجاء في بالي أن ده مبطل للصيام ولكن قلت في نفسي أن ده مش مبطل للصيام لأن ريقه زي ريقي مفرقتش حاجة ومكنتش أعرف أن لو الريق انفصل عن الفم وبلعته ده مبطل للصيام
وجاء في بالي أني أسأل شيخ أو أبحث على جوجل ولكن قلت في نفسي أن مش محتاجه وريقه زي ريقي وأنه ما أكلش حاجة فا مفيش أكل اختلط بريقه فريقه نظيف زي ريقي ومفرقتش وبلعته مع أني كنت أقدر أسيبه لحد بعد الآذان سواء كان الآذان قريب أو بعيد أو متوسط أو أسأل شيخ أو أسأل جوجل وكنت أقدر أروح لبيت الشيخ ده لأني كنت في بلده بس مش عارف مرحتش لأني كنت شايف الموضوع واضح قدامي ومش محتاج أو لأني مكسل وكنت أقدر أسأل جوجل أو أبحث على جوجل بس مكانش عندي نت بس كنت أقدر أبحث من تليفون صاحبي أو أروح بيت صاحبي وأفتح نت من هناك أو صاحبي يقدر يفتحلي نقطة اتصال ووقتها مش فاكر إذا جاء على بالي إني أمسحها بمناديل أو لو معنديش مناديل أمسحها بهدومي ومش ولو جاء على بالي مش فاكر معملتش كدا لأن معنديش مناديل أو مجاش على بالي إني أمسحها في هدومي أو مجاش على بالي إني أمسحها أصلا سواء بمناديل أو بهدومي أو لأني شايف الموضوع واضح قدامي ومش مستاهل مع العلم إن وقتها كان عندي وساوس في صحة الصيام
وممكن كمان أن اللي عزز فكرة أن ده مش مبطل للصيام وأبلعها ومسألش شيخ وأثبت لنفسي أن ده ريق واحد صاحبي وزي ريقي وهو ما أكلش فريقه مختلطش بأكل فريقه نظيف وزيه زي ريقي والحوار ده كله إن كان عندي وساوس في صحة الصيام وكنت فاكر إن ده وسواوس وأتجاهله ومش فاكر وقتها كنت راسلتكم بخصوص رسالة وسواوس الصيام أحسن الشيخ الهمام ولا لأ بس أظن لأ لأني على ما أفتكر راسلتكم بعد العيد مع العلم أن صاحبي ده مسلم وكان صايم فعلشان كده كنت بقول إنه ما أكلش وريقه مختلطش بأكل فبالتالي ريقه نظيف وزيه زي ريقي هل كدا صيامي باطل مع العلم أني في رمضان الماضي كان لدي وسواوس شديد في صحة الصيام وفي رمضان هذه السنة لدي وسواوس في صحة الصيام وفي قضاء رمضان الماضي كان لدي وسواوس في صحة الصيام ولقد راسلتكم برسالة بعنوان وسواس الصيام أحسن الشيخ همام وهل كل دي وساوس وأتجاهلها وهل تفكيري أو الأسئلة اللي بتيجي في دماغي وسواوس بمعنى أن تفكيري أو طريقة تفكيري موسوسة وأتحاهل أي سؤال أو فكرة سواء من نفسي أو مني أنا أو جاءت في دماغي أو في نفسي
21/3/2025
رد المستشار
شكراً على متابعتك.
رغم أن الوسواس يؤثر بشكل كبير على كيفية اتخاذ القرارات بشأن طقوس العبادة، والبشر عموماً يفضلون الرجوع إلى الإرشادات من العلماء المتخصصين في الأمور الشرعية للتأكد من صحة العبادة٬ ولكن أمور الدين والفرائض لا تحتاج كل هذا العناء والتفكير وحشر الوسواس وغير ذلك.
الأصل أن تكون النية قائمة في كل فريضة وخاصة عند بدء الصيام، وهي نية قلبية يصعب أن يفسدها الوسواس العابر أو الأفكار الطارئة التي لا تقصدها وبشكل أساسي هي تنوي الصيام لله فقط.
إذا كنت شعرت بعدم الإفطار بسبب خوفك من الآخرين وليس لله، فعليك مراجعة نفسك والعمل على تصحيح النية. لكن إذا كانت هذه الأفكار عابرة وليست ثابتة، فإنها لا تبطل الصيام.
إذا كنت غير متأكد من أن ابتلاع العرق أو الرطوبة، وما إذا كان ذلك يبطل الصوم أم لا، فقد عملت بما كنت تعتقده صحيحًا في ذلك الوقت وكفى ولا حاجة إلى تعقيد الأمور
.
يبدو أنك تعاني من الوساوس الشديدة في أمور العبادة، قد يكون من المفيد استشارة طبيب نفساني حيث تعيش فخلف وسواس العبادة قد يكون هناك اضطراب نفساني آخر.
وفقك الله.
تعليقات الأعضاء