السلام عليكم ورحمة الله وبركاته..
أولا: أشكركم جزيل الشكر على ما تقدمونه من نصح وإفادة وجزاكم الله عنا كل خير.
ثانيا أنا كنت مررت بتجربة اجتماعية فعلاً صعبة من حوالي ٤-٥ سنين الحمد لله ربنا نجاني من شرور كثير، وقررت إني أعيش مع نفسي لأن أنا وحيد أهلي ولقيت إني أرتاح أكثر لما بكون لوحدي وعايش بعمل أي حاجة وكل حاجة تبسطني وتخليني مرضي عن نفسي،
تعرفت على بنت فلسطينية عايشة في دولة عربية في الأول مكناش بنتكلم كتير غير لما كانت هي تسأل عني وساعتها كنت بعرض عليها أي حاجة تخرجها من دوامة تفكير أو مود وحش كنت بعرض عليها نشوف فيلم وبعدها نتكلم شوية عن مواقف عشناها أنا أو هي واليوم كان بيعدي واحدة واحدة كنا بنتكلم مقطع بالتدريج ومع الوقت بقينا نتكلم كتير
أنا أعجبت بها بس أنا حسيت دا كمان منها من هنا بدأت أصعب تجربة مرت عليّ أنا ماكنتش عامل حسابها، قربنا من بعض رسمت حياتي معها كل حاجة في يومي مبقتش تكمل غير بها وهي كمان كانت مبسوطة ونفسها تعيش معي أنا بس دا بناء على كلامها وعلى مشاعر الواحد حسها، جاء لها قبل كدا عريس وسيبنا بعد أسبوع كانت هي نفسيتها وحشة وكانت تقول لي مستحيل حد يلمسني غيرك وهي تبكي وتقول لي أنا همشيه لأني مش هعيش غير معك فعلاً دا حصل
وأنا يعلم ربنا عمري ما كنت لأخذلها أنا كنت مرتب كل حاجة وكانوا أهلي راضيين عن الموضوع إني أسافر برا البلد علشان أتقدم لشخص أنا مبسوط معه، قالت لي متضمنش وجودي وتبعد عني ساعتها أنا صدقتها مهانتش علي من بعدها كان قدامي فرص كتيير وكان الموضوع مش هيبقى صعب بالنسبة لي إني أسيبها بس كنت بقول ليه أسيبها احنا سوى وأنا مبسوط وبحبها،
فجأة نمت صحيت لقيتها هي المتغيرة مش بترد وحجتها إنها في الشغل رغم إني كنت ببقى في شغلي وهي في شغلها وبنتكلم عادي، استحملت حاجات كتير حقيقي هيا كسرتني وكأنها معملتش حاجة والله أنا كنت في حالي وفكرة الارتباط والحب مكانتش بتيجي في بالي لأني محبتش قبل كدا
فجأة تغيرت وقالت لي أنها مش هتقدر تسيب أصحابها وأهلها وتمشي لبلد ثانية، كنت لآخر لحظة للأسف متمسكا بها لكن هي تغيرت طب هي ليه عملت كدا وهل طبيعي هتكون في يوم من الأيام كإنسانة تعيش مع بني آدم ثاني وهي أذت شخصا بالشكل دا، أنا بقيت أدور على بنت زيها في كل حاجة هزارها ودلالها عليّ كأنها بنتي وأنا كان على قلبي زي العسل احنا عشنا حاجات كثيرة حلوة مكانش بس بيني وبينها حب حتى هي أثرت على شخصيتي خلتني أفكر في المستقبل وأشتغل من غير ما أفكر وسواء أنا محتاج أو لا أنا بقيت أشتغل زيادة علشان أحس بقيمة المشوار اللي أنا ماشي فيه
بس للأسف هي قررت تختفي ومتبقاش موجودة وسابتني بحاول أشوف حد زيها ومش سهل ألاقي زيها، بقت صعب أي واحدة غيرها تملأ عينيّ، أنا حقيقي زي ما كانت قريبة مني وأقدر أقول لها كل حاجة حاسس بها فأنا مش مسامحها ولا دنيا ولا آخرة لحد ما أشوفها وأعرف ليه عملت معي كدا هي كدا مبسوطة؟
15/01/2025
رد المستشار
شكرا على استعمالك الموقع.
ما هو غير واضح في رسالتك طبيعة العلاقة وإن كانت على أرض الواقع أو عبر عالم الفضاء. كذلك لم تتحدث عن الصدمة التي أشرت إليها في بداية الاستشارة.
توقف الاتصال بها بهذا الأسلوب وبعد فترة ليست بالوجيزة يؤدي إلى ردود فعل عاطفية، منها الارتباك والحزن والإحباط.
ما هو واضح قوة الاستثمار العاطفي من جانبك ولا أعلم إن كانت من تدعي حبها لك استثمرت عاطفيا في العلاقة أم لا وهذا بالطبع يؤدي غالبًا إلى مشاعر الخذلان أو الرفض.
ما أفهمه هو الرغبة في الحصول على إغلاق واكتشاف سبب قرارها يدل على أنك تسعى للحصول على سبب هذا الإغلاق. فهم السبب وراء قرارها إنهاء العلاقة يمكن أن يساعدك في معالجة مشاعرك والمضي قدمًا، ولكن التفكير المفرط في الحصول على إغلاق في علاقة مثل هذه قد يعيق عملية الشفاء العاطفي. قد يكون من المفيد لك التركيز على جوانب أخرى من حياتك بدلاً من الانشغال بالعلاقة السابقة التي هي صراحة لا خير فيها
ابحث عن الدعم واخرج من عزلتك وتحدث مع الأصدقاء أو معالج نفساني. مشاركة تجاربك ومشاعرك يمكن أن يساعد في معالجة الوضع بشكل أكثر فعالية.هناك الحاجة إلى التركيز على العناية الذاتية والانخراط في الهوايات أو الأنشطة البدنية أو الأنشطة الاجتماعية من أجل توجيه طاقتك نحو مخرجات إيجابية.
من الطبيعي أن ترغب في فهم ما حدث، ولكن من المهم أيضًا التركيز على رفاهيتك والمضي قدمًا والتوصل إلى إغلاق داخلي بدلا من الاستعانة بها للحصول على هذا الإغلاق وهذا هو الطريق إلى الشفاء والاستعداد لعلاقات مستقبلية.
واقرأ أيضا:
غياب الخبرة.. والبحث عن حورية البحر المفقودة
ما بين القلب والمنطق.. معادلة الاختيار
وفقك الله وتابعنا بأخبارك