هل من تأثير إيجابي للانطوائية؟ م

هل من تأثير إيجابي للانطوائية؟
ضياع
 
السلام عليكم بتشكركم على الموقع وعلى دعمكم للناس، بدي أستفسر عن نفسي كشخص وطريقة تفكير بحسب عمري وهذا الشيء مو جديد فيني من زمان من 6 أو7 أنا دائما مختلف عن يلي حولي بعيدا عن حياتي الخاصة كمدرسة أكره طفولية الطلاب من صف السابع للبكالوريا أنا للآن ما بقدر أتحمل الطلاب وطفوليتهم وعشوائيتهم وكل همهم يضيعوا الحصص والاستهتار الدراسي أو تعطي لهم للحصة أمر جدا مزعج بالنسبة الي إلا بحالات نادرة بكون أنا مالل من الحصة
 
 أنا مالي شخص بحب الدراسة وانا ملول من الدراسة متلي متل أي شخص وألتهي بسرعة عن الدراسة لكن مستواي الدراسي ممتاز تقريبا ومهتم جدا وعلاماتي جيدة جدا الفكرة إني أقولها من ناحية المنطقية والواقعية انو هي هي مرحلة لازم نخلصها وكل ما تركناها تمشي أسرع وبإحكام كل ما خلصنا منها أكثر، ليش هيك تفكيري أنا ليش ماني راكض على الأشياء هي مثل باقي أبناء عمري
 
 كوصف لي عندي مخيلة إبداعية كبيرة جدا كتابة موضوع تعبير بالنسبة لي أسهل من أي شيء وقادر أكتب بأي طول أنت تختاره وما يخلصوا أفكاري، داخلي جدا بحياتي عايش برأسي أكثر ما أعيش بالخارج
 
 أي شيء بدي أعمله ما بكون روتيني يحتاج مني احتمالات بحيث أعيش جميع السيناريوهات بدقة كبيرة حتى أحسب جميع الاحتمالات السلبية وأوصل لأفضل حل منطقي، هاد الشيء يخليني أكشف كثير أمور وأختصر كثير أشياء بحياتي لدرجة إني قادر أتوقع كتييير مواقف أو محادثات بدون ما تصير حتى وبعرف الجواب شورح يكون عليها والشيء مجرب معي وصاير يلي أنا بعرفه، مو مدحا بحالي كله موهبة واكتساب ورزق من عند الله هي المهارات لكن اأا بس عم حاول وضح شو أنا
 
 عندي احساس زايد بالعالم ومشاعرها لدرجة مرة سمعت مكالمة لمشكلة مالية صارت مع أستاذي وهو انزعج كثير مخي تخيل السيناريو إنو أنا أكون محله وعشت الموقف من جميع النواحي لدرجة إني تقمصت المشاعر وانزعجت كثير كثير حتى إني حاولت أغير الأفكار وأنسى الموضوع حتى أطلع من الانزعاج وأتخلص من المشاعر صرت أخاف من قدرتي على التعمق بالمواقف، هاد الشي ويلي بسميه طريقة الاحتمالات أستخدمه بكل شيء بحياتي وأكثر شيء بالمحادثات بحيث لما بدي أكسب نقاش بعمل الحوار بعقلي وبحسب احتمالات جميع الأجوبة لأقدر أحصر الشخص بدائرة معينة توصلني للشيء يلي بدي ياه
 
 أخاف الله ما بعمل أي شيء يخلي الله يغضب عليَّ أو ينزعج مني لهيك ما أستخدم ها الشي ألا للخير ومالي جلد صراحة استعمله لشر واتعذب وانتظر عذاب ربي بالإضافة لانو فراستي اظن قوية كتير يسهل عليّ جدا جدا قراءة تعابير الوجه وحركات الجسد وفهم مشاعر وما وراء كل شخص ان كان مزعوج أو صاير له شيء وبحب اقرأ واحفظ تعابير الناس بعد حدوث موقف معين لأقدر اعرف التعابير هي على شو بتدل وطور مهارتي اكثر عشت بعائلة كانت تدقق على التحركات ومخاطرها لكن موللحد الجنوني او الآباء المهوسسة بالمبالغة على أبنائها بأمور انولا تخلي ابنك يشوف المسلسل هاد لانوبعلمه شغلات عنيفة الخ...
 
 ما بعرف شويعني ست اوجد اوخال اوخالة اوعم اوعم نهائي مع وجود كامل الاطراف الا انهم جميعاً دورهم سيء وخاصة الجد والست الاربعة جميعا من الطرفين للآباء، هاد الشي شوكان تأثيره؟ وهل كطفل كان يتحذر من اتخاذ اي خطوة خاطئة قدام هدول الاطراف وحذره الزايد ولّد عندي اليات التفكير هي ومحاولة كشف الناس من وجوههم وليس من كلامهم، بحاول اسمع تعابيرهم وشوف لغة جسدهم قبل ما اسمع كلامهم واخر شيء يهمني الكلام يلي هو حتى الكلام وطريقته ونبرته قادر اني افهم منها اشياء معينة واستخرج منها عدة اشياء، عندي ادراك للتفصيل بشكل رهيب جدا جدا
 
 بنفس الوقت كان عندي وسواس نظافة وتعقيم وتخلصت منه ما عندي اي وسواس الا وسواس ترتيب يزعجني بصراحة لكن ما بفكر اني اعالجه وهوانولازم يكون كل شيء قدامي على خطوط متوازية وبمسافات متساوية متل عدة اقلام على الطاولة لازم كلهم نفس الجهة وبمكان معين متناسق مع باقي الاغراض وهيك، ما عندي مبالغة بهاد الشيء حصرا وقت بدي ادرس اوحابب ارتب بشكل طبيعي غرفتي طبيعية وقد تكون فوضوية
 
 آسف على الإطالة آخر شيء أحب أقوله إن أنا شخص قادر أكون اجتماعي جدا وأمثل بكل طبيعية أني شخص اجتماعي وقادر أندمج مع جميع الأطياف والأعمار حتى وشوما كان الشخص قادر إني إجاريه باهتماماته وبنفس الوقت أنا أكره العالم كتير لأني بحس إني لازم أمثل وأزيف لأقدر أتماشى مع الناس وأنا بفضل إني أظل ساكت ومتفرج وبحب الانطوائية أو وجودي مع أمي فقط الباقي كله لا.... يمكن بسبب تجربتي السيئة بالحب مع العائلة من الدرجة الثانية وليس الدرجة الاولى وهاد الشي ما بيعني اني مهووس بأمي بالعكس علاقتي طبيعية معها وموكل وقتي معها
 
 ما لي تجربة كمان بصحبة الشارع وخناقات الاولاد وكرة القدم وما اعرف شيء عن الكرة وما بعرف العبها وهاد شيء سبب كره بسيط تجاهها
 وملتزم بصلواتي الحمد لله وما عندي أي إدمان لأي شيء
 26/12/2024